Данія перадала Украіне знішчальнікі F-16
Самалёты ўжо знаходзяцца ва Украіне, сказаў Уладзімір Зяленскі.
Самалёты F-16 у небе. Фота ілюстрацыйнае
Другая партыя знішчальнікаў F-16 ужо атрыманая Украінай ад Даніі, паведаміў украінскі прэзідэнт Уладзімір Зяленскі ў тэлеграм-канале. Ён падзякаваў прэм'еру краіны Метэ Фрэдэрыксен.
«Другая партыя F-16 для Украіны ад Даніі ўжо ва Украіне», — напісаў Зяленскі.
ЗША выдалі дазвол на перадачу знішчальнікаў у траўні 2023 года пасля неаднаразовых просьбаў Кіева і краін NATO.
Першую партыю F-16 летам паставілі Нідэрланды, якія разам з Даніяй, Бельгіяй і Нарвегіяй паабяцалі Украіне каля 80 самалётаў. У першую партыю ўвайшлі шэсць F-16.