Ispanski hałoŭny trenier praciahnuŭ kantrakt sa zbornaj Biełarusi, choć zadaču nie vykanaŭ
Karłas Ałos budzie pracavać da listapada 2026 hoda.
Kiraŭnik BFF Mikałaj Šarśnioŭ i Karłas Ałos. Fota: BFF
Biełaruskaja fiederacyja futboła praciahnuła kantrakt z hałoŭnym trenieram zbornaj Biełarusi Karłasam Ałosam. Novaje pahadnieńnie raźličanaje da listapada 2026 hoda.
Ałos budzie kiravać zbornaj u kvalifikacyi čempijanatu śvietu-2026 i nastupnym rozyhryšy Lihi nacyj.
Pry ispancy zbornaja praviała 12 aficyjnych matčaŭ, u jakich trojčy pieramahła, dvojčy prajhrała i jašče siem razoŭ zhulała ŭničyju. Akramia taho, zbornaja vydała sieryju ź siami zapar sustreč biez parazaŭ.
Tym nie mienš, Ałos nie vykanaŭ zadaču, jakuju stavili bosy BFF: vyjści ŭ dyvizijon «B» Lihi nacyj. U svajoj hrupie ŭ lizie «C» zbornaja Biełarusi finišyravała na trecim miescy: paśla Paŭnočnaj Irłandyi i Bałharyi, ale napieradzie Luksiemburha. Biełarusam nie ŭdałosia trapić u stykavyja matčy za vychad u Lihu «B».
Nahadajem, paśla pačatku poŭnamaštabnaj vajny Rasii suprać Ukrainy zbornaj Biełarusi zabaranili pravodzić chatnija matčy na terytoryi krainy. Kamanda prymaje haściej na niejtralnych palach biez hledačoŭ.
Čytajcie taksama:
Adbyłosia losavańnie novaha futbolnaha turniru — Kłubnaha čempijanatu śvietu
UEFA pa vynikach matča ź minskim «Dynama» aštrafavaŭ «Lehiju» za antyłukašenkaŭskija płakaty fanataŭ
Bunt kamierunskaha futbalista ŭ biełaruskim kłubie: jon patrabavaŭ nie karmić jaho hrečkaj
Jak minimum 56 čałaviek zahinuli padčas ciskaniny na futbolnym stadyjonie ŭ Hviniei