Adkul uziaŭsia «kulamiot ź fiejervierkaŭ» na pratestach u Hruzii?
Hruzinskija pratestoŭcy prydumvajuć novyja sposaby baraćby. Zbrojaj stali fiejervierki.
Pratestoviec z «kulamiotam ź fiejervierkaŭ». Skryn videa: paperkartuli /Ch
Adznačym, što vykarystańnie fiejervierkaŭ na pratestach nie źjaŭlajecca nou-chau hruzin. Tak, naprykład, u 2019 hodzie pratestujučyja ŭ Čyli zapuskali fiejervierki ŭ palicyju. Piratechniku aktyŭna vykarystoŭvali i demanstranty ŭ Francyi. Uletku 2023 hodzie ŭrad navat časova zabaraniŭ jaje prodaž pryvatnym asobam.
Ale hruziny, jaki źjaŭlajucca vialikimi amatarami vykarystańnia raznastajnych salutaŭ i fiejervierkaŭ z roznaj nahody, vynajšli bolš radykalny sposab vykarystańnia piratechniki.
Kali pahladzieć na videa z pratestaŭ, to tak zvany «kulamiot ź fiejervierkaŭ», chutčej za ŭsio, źjaŭlajecca samarobnym minihanam dla zapusku rymskich śviečak. Jany ŭjaŭlajuć saboj doŭhuju cylindryčnuju trubu, unutry jakoj znachodziacca zarady sa śpiecyjalnaj piratechničnaj sumieśsiu. U minihanie niekalki śviečak rymskaha typu spałučany razam z dapamohaj skotču ci kleju.
Videa z vykarystańniem padobnych kanstrukcyj možna znajści ŭ internecie.
Hruzinskija pratestoŭcy vykarystali minihan dla zapusku rymskich śviečak u adkaz na vadamioty i ślozaciečny haz z boku palicyi.
Pa videa z pratestaŭ bačna, što ŭ pratestoŭcaŭ roznyja kanstrukcyi minihanaŭ. Voś na hetym videa bolš jaskrava bačna «kulamiot», jaki składajecca tolki ź niekalkich rymskich śviečak.
Čytajcie taksama:
Palicyja znoŭ razahnała akcyju ŭ centry Tbilisi
Biełarusa, jakoha zatrymali na pratestach u Hruzii, vyzvalili ź SIZA
Pratesty ŭ Hruzii radykalizujucca: na vadamioty adkazvajuć fiejervierkami i kaktejlami Mołatava