U lesie pad Žodzinam znajšli redki i niezvyčajny hryb

Cikavaj znachodkaj padzialiŭsia ŭ sacsietkach hrybnik Siarhiej z-pad Žodzina. Jon natknuŭsia ŭ lesie na cikavy hryb, vonkava padobny na sukviećcie kapusty, piša «Smartpres».

Skrynšot ź videa

Sam Siarhiej nie zmoh vyznačyć, što pierad im za cud, tamu źviarnuŭsia z prośbaj rastłumačyć heta da padpisčykaŭ.

@user2nxpdyjj40 #opiata #les #žodino #riekomiendacii ♬ orihinalnyj zvuk - Sierhiej Rinatovič

U kamientarach karystalniki tyktoka raskazali, što trapiŭsia Siarhieju sparasis kučaravy (łac. Sparassis crispa) — redki jadomy hryb, vonkava padobny na kviacistuju kapustu. Pachnie jon arechami.

U navukovym adździele Nacyjanalnaha parku «Biełaviežskaja pušča» dadali da hetaha, što sparasis jašče nazyvajuć «zajačaj kapustaj», choć nijakaha dačynieńnia da zajcoŭ jon nie maje, a sami zajcy jaho nie jaduć.

Uvohule hryb ličycca parazitam. Raście jon na karaniach dreŭ i śviežych pniach chvoi.

Zvyčajna sparasis — heta nievialiki kust kruhlavaj formy, vyšynioj i ŭ dyjamietry da 30 sm. Časam sustrakajucca asobniki da paŭmietra ŭ achopie, vaha takich vołataŭ dasiahaje šaści, a to i dziesiaci kiłahramaŭ.

Sparasis — vid pad achovaj, jon zaniesieny ŭ Čyrvonuju knihu Biełarusi.

Kamientary da artykuła