Biełaruska zdaje patelni nazad u kramy praz hod paśla karystańnia
Dziaŭčyna vyklikała burnyja abmierkavańni ŭ tyktoku paśla taho, jak padzialiłasia łajfchakam, jak mianiać staryja patelni na novyja. Pavodle jaje słoŭ, jana paśpiachova viarnuła hrošy za patelniu, jakoj karystałasia hod, i kupiła na ich novuju, piša Onliner.by.
Ilustracyjnaje fota
Ale nie ŭsie padpisčyki acanili taki padychod, nazvaŭšy jaho «nachabstvam».
U roliku dziaŭčyna raspaviała, što praz hod patelnia pačała pryharać. Pakolki harantyja jašče dziejničała, jana źviarnułasia ŭ kramu z patrabavańniem viarnuć hrošy. Atrymaŭšy kampiensacyju, jana nabyła novuju patelniu. Jak vyśvietliłasia, heta ŭžo nie pieršy raz: hod tamu inšaja patelnia pryharała praz usiaho dva miesiacy — i krama taksama viarnuła hrošy.
Niekatoryja ludzi dahetul błytajuć spažyviecki ekstremizm z tym, što hramadzianie prosta ŭmiejuć karystacca svaimi pravami. Voś jak na takuju inicyjatyvu adreahavali ŭ kamientarach: «Kolki nachabnych ludziej, jakija lubiać chalavu! I što samaje cikavaje — nie ź biednych»
Aŭtar rolika ŭ svaju abaronu śćviardžaje, što nachabstvam źjaŭlajecca prodaž niajakasnych tavaraŭ, a jaje padychod — heta prosta zachavańnie harantyjnych pravoŭ.
«Heta narmalna, kali krama vykonvaje svaje abaviazacielstvy», — upeŭniena zajaviła jana.