Telegram patłumačyŭ hłabalny zboj vajnoj na Blizkim Uschodzie

U kampanii adznačyli, što miesiendžar sutyknuŭsia ź biesprecedentnaj nahruzkaj.

Telegram prakamientavaŭ hłabalny zboj, jaki zdaryŭsia ŭ miesiendžary 3 kastryčnika.

Karystalniki pa ŭsim śviecie skardzilisia na prablemy z zahruzkaj paviedamleńniaŭ i miedyja.

«Z-za niadaŭnich padziej na Blizkim Uschodzie, u pryvatnaści ŭ Izraili, Livanie i Iranie, Telegram sutyknuŭsia ź biesprecedentnaj nahruzkaj. U apošnija niekalki dzion niekatoryja karystalniki mahli adčuvać časovyja prablemy z padklučeńniem i ciažkaści z dostupam da miedyja», — paviedamiŭ Telegram.

U kampanii dadali, što, dziakujučy namahańniam techničnaj kamandy, Telegram zastavaŭsia dastupnym u bolšaści krain, i ŭsie prablemy ciapier całkam vyrašanyja.

1 kastryčnika Armija abarony Izraila pačała naziemnuju apieracyju na poŭdni Livana. Uviečary taho ž dnia Iran nanios masiravany rakietny ŭdar pa terytoryi Izraila.

Kamientary da artykuła