U Biełarusi daražeje prajezd pa płatnych darohach
Novyja taryfy zapracujuć z 20 vieraśnia.
Dla aŭtamabilaŭ z dapuščalnaj ahulnaj masaj bolš za 3,5 tony taryfy pavysiacca tak:
- z €0,101 da €0,114 — kali ŭ mašyny dźvie vosi;
- z €0,126 da €0,142 — dla mašyn z tryma vosiami;
- z €0,152 da €0,171 — dla transpartu, u jakoha čatyry vosi i bolš.
Padaražejuć i elektronnyja vińjetki:
- z €18 da €20 — za 15 dzion;
- z €28 da €31 — za 30 dzion;
- z €96 da €107 — za hod.
Dla mašyn z dapuščalnaj ahulnaj masaj da 3,5 tony ŭklučna taryf pa fakcie nieapłaty vyraście z €12 da €14, dla hruzavikoŭ masaj bolš za 3,5 tony — z €32 da €36, pry niapoŭnaj apłacie — z €16 da €18.
Minuły raz taryfy dla płatnych daroh pavyšalisia z 1 červienia 2023 hoda.
Nahadajem, prajezd pa płatnych darohach abaviazanyja apłačvać kiroŭcy:
- mašyn z dapuščalnaj ahulnaj masaj bolš za 3,5 tony (pry dapamozie bartavoj pryłady, jakaja ŭstanaŭlivajecca na ŭnutranym boku łabavoha škła);
- transpartnych srodkaŭ dapuščalnaj ahulnaj masaj nie bolš za 3,5 tony, nie zarehistravanych na terytoryi JEAES (pry dapamozie elektronnaj vińjetki).
Čytajcie taksama:
Bazavy sacyjalny taryf u sotavaj suviazi ŭviaduć z 1 krasavika 2025 hoda