У Беларусі даражэе праезд па платных дарогах
Новыя тарыфы запрацуюць з 20 верасня.
Для аўтамабіляў з дапушчальнай агульнай масай больш за 3,5 тоны тарыфы павысяцца так:
- з €0,101 да €0,114 — калі ў машыны дзве восі;
- з €0,126 да €0,142 — для машын з трыма восямі;
- з €0,152 да €0,171 — для транспарту, у якога чатыры восі і больш.
Падаражэюць і электронныя віньеткі:
- з €18 да €20 — за 15 дзён;
- з €28 да €31 — за 30 дзён;
- з €96 да €107 — за год.
Для машын з дапушчальнай агульнай масай да 3,5 тоны ўключна тарыф па факце неаплаты вырасце з €12 да €14, для грузавікоў масай больш за 3,5 тоны — з €32 да €36, пры няпоўнай аплаце — з €16 да €18.
Мінулы раз тарыфы для платных дарог павышаліся з 1 чэрвеня 2023 года.
Нагадаем, праезд па платных дарогах абавязаныя аплачваць кіроўцы:
- машын з дапушчальнай агульнай масай больш за 3,5 тоны (пры дапамозе бартавой прылады, якая ўстанаўліваецца на ўнутраным боку лабавога шкла);
- транспартных сродкаў дапушчальнай агульнай масай не больш за 3,5 тоны, не зарэгістраваных на тэрыторыі ЕАЭС (пры дапамозе электроннай віньеткі).