«Vialiki čałaviek dla biełarusaŭ». Łukašenku paprasili nazvać vulicu ŭ Minsku ŭ honar savieckaha maršała
Jon abiacaŭ padumać.
Ivan Bahramian. Fota: Wikimedia Commons
Kiraŭnik Minskaha haradskoha armianskaha kulturna-aśvietnickaha tavarystva «Ajastan» Hieorhij Jehiazaran paprasiŭ Alaksandra Łukašenku nazvać vulicu ŭ Minsku ŭ honar savieckaha maršała Ivana Bahramiana.
Jehiazaran prapanavaŭ prymierkavać heta da 80-hodździa Pieramohi. Łukašenka paabiacaŭ razhledzieć hetaje pytańnie, piša BiełTA.
«Što tyčycca vialikaha Bahramiana, nam treba razhledzieć hetaje pytańnie najbližejšym časam. Heta vialiki čałaviek dla nas. Dla biełarusaŭ — dakładna», — zajaviŭ Łukašenka.
Bahramian padčas apieracyi «Bahracijon» kamandavaŭ 1-m Prybałtyjskim frontam, jaki dziejničaŭ na poŭnačy Biełarusi. U Viciebsku i Połacku jość vulicy, nazvanyja ŭ honar Bahramiana.