«Вялікі чалавек для беларусаў». Лукашэнку папрасілі назваць вуліцу ў Мінску ў гонар савецкага маршала
Ён абяцаў падумаць.
Іван Баграмян. Фота: Wikimedia Commons
Кіраўнік Мінскага гарадскога армянскага культурна-асветніцкага таварыства «Аястан» Георгій Егіазаран папрасіў Аляксандра Лукашэнку назваць вуліцу ў Мінску ў гонар савецкага маршала Івана Баграмяна.
Егіазаран прапанаваў прымеркаваць гэта да 80-годдзя Перамогі. Лукашэнка паабяцаў разгледзець гэтае пытанне, піша БелТА.
«Што тычыцца вялікага Баграмяна, нам трэба разгледзець гэтае пытанне найбліжэйшым часам. Гэта вялікі чалавек для нас. Для беларусаў — дакладна», — заявіў Лукашэнка.
Баграмян падчас аперацыі «Баграціён» камандаваў 1-м Прыбалтыйскім фронтам, які дзейнічаў на поўначы Беларусі. У Віцебску і Полацку ёсць вуліцы, названыя ў гонар Баграмяна.