Lidzija Jarmošyna pra svaje strachi ŭ 2020: Z parłamienta prabirałasia čornymi chadami
U intervju STB byłaja staršynia Centralnaj vybarčaj kamisii Lidzija Jarmošyna padzialiłasia, što ŭ 2020-m jašče da pačatku vybaraŭ atrymlivała abrazy i pahrozy. Jana śćviardžaje, što takoha nie było da 2020 hoda.
Lidzija Jarmošyna. Skryn videa: CTVBYvideo / YouTube
«Što tam havaryć, kali z parłamienta mnie davodziłasia prabiracca čornymi chadami. Ja vyjści nie mahła. I zajści, čaściakom, spakojna. I heta ŭsio było na pieršym etapie», — zhadvaje Jarmošyna.
Jana kaža, što pierad vybarami zapužvali i čynoŭnikaŭ. I panarakała, što nie ŭsio možna praduhledzieć.
«My ž nie možam pieratvaryć hramadstva ŭ kazarmu. U lubym vypadku jano pavinna narmalna demakratyčna raźvivacca i isnavać. A značyć, budzie svaboda mierkavańniaŭ, buduć ludzi, jakija buduć sumniavacca i pa-roznamu hladzieć na tyja ci inšyja rečy».
Na pohlad byłoj staršyni CVK, dziaržava pavinna zaŭsiody vałodać nieabchodnym reziervam tych ludziej, jakija zmohuć pierakanać tych, chto vahajecca.
Čytajcie taksama:
«Ja syšła, jak sychodziać mužyki». Praviły žyćcia Lidzii Jarmošynaj
Jarmošyna pra Cichanoŭskuju: Prosta pradaŭščyca na fonie Karatkievič u 2015-m
«Dziadźka Sem cikavicca». Jarmošyna raskazała, jak jaje sprabavali kupić