Biełarusy ładziać u Varšavie kupalski Varušniak na cełyja sutki
29 červienia supołka Varušniak adznačaje svoj pieršy hod vialikim Kupalskim festam u Varšavie. Heta budzie śviata dla ŭsich 24 hadziny zapar, abiacajuć arhanizatary. Dzionnaja častka fiestyvalu — dla siamiejnaha adpačynku, a noč — dla amataraŭ techna.
Fota ilustracyjnaje
Na Kupalskim fiestyvali vystupiać bolš za 40 artystaŭ, u tym liku Jahor Zabiełaŭ, SPIEVY, Shuma, KOOB, Nasta Rydleŭskaja. Chornabrova pradstavić albom z elemientami štučnaha intelektu.
Letni dens ładzić biełaruski prajekt z Krakava «Letucień» — na asobnaj scenie vystupiać talenavityja biełaruskija dydžei i sielekcyjaniery muzyki.
Taksama ŭ ramkach fiestyvalu zapłanavanyja:
- karahod pad adkrytym niebam;
- urok kupalskich śpievaŭ ad SPIEVY;
- smačnaja ježa, chałodnaje piva i limanad;
- majstar-kłasy, vianki, kvietki i flirt-hulni;
- art-markiet i časovyja arnamient-tatu ad AURA TATOO;
- dziciačyja zabavy z animatarami ŭ biarozavym hai.
Paśla vialikaha kupalskaha vohnišča raspačniecca noč techna z Campderschein, zorka nočy — Schwefelgelb.
«Usie biełarusy i biełaruski na padśviadomym uzroŭni nosiać biełaruski kulturny kod. Kupalle — taja kropka, kali treba źbiracca, treba być razam. Kali my razam — my mocnyja, kali my razam — my siamja. Na žal, abstaviny skłalisia tak, što mnohija z nas stracili svoj dom, i my vielmi tužym pa im. Tamu Kupalski Varušniak stvaraje biełaruski dom tut na miescy. Dzie my — tam i dom», — kažuć arhanizatary.
Fest projdzie z 12:00 29 červienia da 12:00 30 červienia ŭ Rejs Klub (vuł. Piotra Bardowskiego 2A). Pobač ź placoŭkaj — voziera dy les.