U Čačersku malujuć hrafici ź siarpom, mołatam i piacikancovaj zorkaj
Vykananaje ŭ savieckim styli hrafici zojmie ścianu doma na vulicy Savieckaj u Čačersku i budzie pryśviečanaje hadavinie vyzvaleńnia Biełarusi ad niamieckaj akupacyi ŭ 1944 hodzie, piša vydańnie «Štodzień».
Na murale buduć vyjaŭlenyja ŭradžency Homiela braty Liziukovy: Alaksandr, Piotr i Jaŭhien. Jany vajavali padčas Druhoj suśvietnaj vajny ŭ Čyrvonaj armii i zahinuli daloka ad rodnaj ziamli. Alaksandr i Piotr Liziukovy byli ŭhanaravanyja zvańnia Hierojaŭ Savieckaha Sajuza, usim traim bratam pastavili pomnik u Homieli.
Pakul što praca znachodzicca na stadyi eskizu, mastak pramaloŭvaje detali. Ale ŭžo vidavočna, što tam buduć usie atrybuty, charakternyja dla savieckaha mastactva: čyrvony koler, sierp i mołat, piacikancovaja zorka, a taksama ahulnaja stylistyka.
Čytajcie taksama:
U Vałožynie źjavilisia hrafici ŭ honar Dunina-Marcinkieviča i Ruščyca
Na bazie homielskaha AMAPa zrabili Z-murał
U Słucku stvarajuć murał z Anastasijaj Słuckaj
U Minsku źjaviŭsia cikavy murał ź niezvyčajnymi žyviołami FOTAFAKT