Pad Hrodnam zaŭvažyli vielmi redkuju čyrvanaknižnuju pčału

Zdymki redkaha nasiakomaha prysłali čytačy ŭ redakcyju vydańnia Newgrodno.by. Zaŭvažyli pčału na leciščach u vioscy Noviki Hrodzienskaha rajona.

«Bujnaja pčała ciomnaha koleru adrazu pryciahnuła ŭvahu. Ździvili i koler, i jaje pamiery», — raskazvaje čytačka Newgrodno.by.

Pčała spakojna padpuściła ludziej da siabie i navat papaziravała dla fota. Dziakujučy hetamu ŭdałosia jaje dobra razhledzieć.

Chutčej za ŭsio, na leciščy pad Hrodnam prylacieła pčała-ciaślar. Heta vielmi redki dla Biełarusi vid pčoł. Za apošnija 10 hadoŭ pčału-cieślara tolki niekalki razoŭ zaŭvažali ŭ Biełaviežskaj puščy.

Pčału niezdarma nazyvajuć cieślarom. Jana buduje hniozdy tolki ŭ miortvaj i suchoj draŭninie. Lubić jana, naprykład, staryja draŭlanyja chaty i navat słupy. Taksama jaje možna sustreć u starych lasach z suchastojem.

Džalić hetaje nasiakomaje, darečy, vielmi baluča. Na miescy ŭkusu źjaŭlajecca vialiki aciok. Dla alerhikaŭ jaje ŭkus uvohule moža stać fatalnym.

Kamientary da artykuła