Pad Maskvoj zabili danosčyka na rasijskich zorak — zarezaŭ prychilnik jaho žonki

U Padmaskoŭi zabili ŭdzielnika ruchu «Zov naroda» 37-hadovaha Antona Jahoŭcava. Infarmacyju pra jaho hibiel paćvierdzili ŭ arhanizacyi. Telehram-kanał Shot adznačaje, što Jahoŭcaŭ byŭ viadomy skarhami, jakija pisaŭ na rasijskich zorak.

Anton Jahoŭcaŭ. Fota: sacsietki

Cieła Jahoŭcava znajšli sa šmatlikimi nažavymi ranieńniami ŭ padjeździe doma.

U zahinułaha byŭ kanflikt z prychilnikam jaho žonki, jaki pieraśledvaŭ jaho. Zabojca za im sačyŭ, pieraśledavaŭ žonku, «začyniaŭsia ŭ mašynie i pravodziŭ palcam pa horle».

Pierad śmierciu Jahoŭcaŭ i jaho žonka trojčy zvanili ŭ palicyju. Uviečary paviedamili, što mužčyna, jaki pieraśleduje ich, siadzić u mašynie kala padjezda. Paśla byŭ zvanok pra toje, što mužčyna pahražaje im. A ŭnačy apošni — pra toje, što čałaviek łomicca ŭ dźviery.

Kamientary da artykuła