Małaletki razhramili dziciačuju mahiłu pad Fanipalem
Padčas viasnovych kanikułaŭ 12-hadovaja dziaŭčynka i 11-hadovy chłopčyk pabyvali na mohiłkach v. Viazań, što ŭ Dziaržynskim rajonie.
Uvahu dziaciej pryciahnuła pachavańnie ź dziciačymi cackami. Jany źniali adzieńnie ź lalek, razabrali cacki na častki i raskidali ich pa navakolli, piša dzr.by.
Nie zastalisia biez uvahi i cukierki, jakija svajaki pamierłych pakinuli na mahiłach. Prysmaki dzieci źjeli na miescy, a taksama pasprabavali vypić nieviadomuju vadkaść z čarki, jakaja stajała na adnoj z mahił.
Svajaki, jakija naviedali mahiłu na nastupny dzień, pryjšli ŭ žach ad ubačanaha. I źviarnulisia ŭ Dziaržynski RAUS, doŭha šukać małaletnich vandałaŭ nie daviałosia.
Škoda, naniesienaja dziećmi na pachavańni, užo aceńvajecca amal u 700 rubloŭ.