Малалеткі разграмілі дзіцячую магілу пад Фаніпалем
Падчас вясновых канікулаў 12-гадовая дзяўчынка і 11-гадовы хлопчык пабывалі на могілках в. Вязань, што ў Дзяржынскім раёне.
Увагу дзяцей прыцягнула пахаванне з дзіцячымі цацкамі. Яны знялі адзенне з лялек, разабралі цацкі на часткі і раскідалі іх па наваколлі, піша dzr.by.
Не засталіся без увагі і цукеркі, якія сваякі памерлых пакінулі на магілах. Прысмакі дзеці з'елі на месцы, а таксама паспрабавалі выпіць невядомую вадкасць з чаркі, якая стаяла на адной з магіл.
Сваякі, якія наведалі магілу на наступны дзень, прыйшлі ў жах ад убачанага. І звярнуліся ў Дзяржынскі РАУС, доўга шукаць малалетніх вандалаў не давялося.
Шкода, нанесеная дзецьмі на пахаванні, ужо ацэньваецца амаль у 700 рублёў.