Siłaviki zatrymali žychara Klimavičaŭ za toje, što jon šturchaŭ nahami dziaržaŭny ściah u 2020 hodzie

Blizki da siłavikoŭ telehram-kanał apublikavaŭ videa z zatrymanym žycharom Klimavičaŭ.

«Miedyjazona» znajšła staronku zatrymanaha ŭ sacsietkach, tam jon padpisany jak Kirył Vaźmiłaŭ.

Na kamieru chłopiec kaža, što ŭ 2020 hodzie da jaho dadomu znajomy prynios dziaržaŭny ściah. Padčas raśpivańnia ałkaholu zatrymany «taptaŭsia» pa im i «šturchaŭ nahami». Paśla ściah spalili ŭ dvary doma.

U kancy rolika zatrymany «pieradaje pryvitańnie» svajmu bratu Juryju, jaki «ŭ 2020 hodzie źbieh z krainy i ciapier znachodzicca ŭ Polščy».

Pa jakim artykule zatrymany chłopiec i dzie ciapier znachodzicca, nieviadoma.

Kamientary da artykuła