Telegram adnaviŭ pracu botaŭ ukrainskaj raźviedki
28 krasavika Telegram zabłakavaŭ šerah aficyjnych ukrainskich botaŭ, jakija vystupali suprać vajennaj ahresii Rasii suprać Ukrainy, u pryvatnaści, byŭ zabłakavany «Hałoŭny raźviedvalny bot». Ciapier pracu botaŭ adnavili.
«Aficyjnyja ŭkrainskija boty, jakija dapamahajuć u baraćbie z rasiejskaj ahresijaj, adnavili pracu. Heta boty Hałoŭnaha ŭpraŭleńnia raźviedki i SBU, a taksama bot Minličby «jeVoroh», — havorycca ŭ paviedamleńni Centra stratehičnych kamunikacyj i infarmacyjnaj biaśpieki.
Jak pisaŭ HUR, boty byli nieabhruntavana zabłakavanyja, nasupierak praviłam i zajavam, jakija publična dekłaravała kiraŭnictva Telegram.
Ukrainskaja vyviedka papiaredziła, što rasijanie stvarajuć botaŭ z padobnymi nazvami, i zaklikała nie pieradavać im asabistyja danyja.
Čytajcie taksama:
Pavieł Duraŭ chadziŭ u škołu ŭ Italii, nie vykarystoŭvaje bitkojny i nie maje nieruchomaści
Rasijski błohier pradaŭ juziernejm @pavel za $80 tysiač. Pakupnik padaryŭ jaho Paŭłu Duravu