Izrailskija vajskoŭcy zajavili, što znajšli cieła zakładnika ŭ siektary Haza
Padčas načnoha rejdu na Chan-Junis znojdziena cieła mužčyny, uziataha bajevikami ŭ załožniki i ŭtrymanaha ŭ siektary Haza, zajavili izrailskija vajskoŭcy.
Ilustracyjnaje fota. AP Photo/Ariel Schalit
Eład Kacyr byŭ vykradzieny z kibuca Nir Oz padčas napadu hrupoŭki «Chamas» na poŭdzień Izraila 7 kastryčnika, piša Bi-bi-si.
Jaho cieła było znojdziena nočču ŭ Chan-Junisie ŭ siektary Haza i viernuta ŭ Izrail, paviedamili ŭ Armii abarony Izraila i Słužbie biaśpieki.
Eładzie Kacyru było 47 hadoŭ. Padčas napadu na kibuc bajeviki zabili jaho baćku, a taksama vykrali i jaho maci, 77-hadovuju Channu. Jaje ŭdałosia vyzvalić u listapadzie, paviedamili ŭ CACHAŁ.
Zahinułaha apaznali miedycynskija rabotniki, jaho siamja prainfarmavanaja.
Čytajcie taksama:
Izrail vyrašyŭ adkryć dva humanitarnyja kalidory ŭ Hazie