Žychar Baranavič pastaviŭ adznaku «kłas» u «Adnakłaśnikach» i abraziŭ Łukašenku
Sudom Baranavickaha rajona i Baranavič vyniesieny prysud Jaŭhienu Kładovu, abvinavačanamu ŭ abrazie Łukašenki pavodle č. 1 art. 368 Kryminalnaha kodeksa. Spravu razhladała sudździa Safija Chvalko.
Pa materyjałach abvinavačańnia, Jaŭhien u sacyjalnaj sietcy «Adnakłaśniki» «naŭmysna raźmiaściŭ vyjavu, jakaja supiarečyć ahulnačałaviečaj marali i normam pavodzin, pryniatym u hramadstvie, tym samym publična naŭmysna pryniziŭ honar i hodnaść asoby Łukašenki ŭ suviazi z ažyćciaŭleńniem im svaich paŭnamoctvaŭ, vykazanaje ŭ nieprystojnaj formie».
Sud, jaki prachodziŭ 23-24 listapada, pryznaŭ jaho vinavatym i pryznačyŭ jamu pakarańnie hod kałonii, piša «Viasna».