Pravaabaroncy paviedamlajuć, što siłaviki pajšli pa tych, chto piša listy padtrymki palitviaźniam
Hrodzienskija pravaabaroncy paviedamlajuć, što supracoŭniki MUS prychodziać ź pieratrusami da tych, chto piša listy palitviaźniam. Nibyta listy zjaŭlajucca instrumientam padtrymki «ekstremisckich» farmavańniaŭ.
U śniežni siłaviki zatrymali Ihara Uhlika i Alaksandra Łykšyna — stvaralnikaŭ servisa Piśmo.bieł, praź jaki ŭsie achvotnyja mahli adpravić listy palitviaźniam.
U studzieni siłaviki zładzili maštabnuju akcyju suprać rodnych palitviaźniaŭ, jakija atrymlivali dapamohu praź inicyjatyvy salidarnaści. Pad pieraśled trapili bolš za 200 čałaviek, u asnoŭnym, heta žančyny, jakija atrymlivali pradukty praz servisy dastaŭki ad «Hippa» i «Jeŭraopta», dzie možna zamović tavary anłajn.
Čytajcie taksama:
Suzasnavalnik «Bajchełpa»: Kali my sydziem, palitviaźniam u Biełarusi nichto nie dapamoža