Ukraina maje pieršyja dokazy vykarystańnia Rasijaj rakiet z KNDR
Hienieralny prakuror Ukrainy Andrej Kościn u efiry vydańnia «Suśpilnie» paćvierdziŭ infarmacyju, što Rasija ŭžo nibyta vykarystała na vajnie suprać Ukrainy rakiety z Paŭnočnaj Karei.
Abłomki adnoj z rakiet, jakija prylacieli 2 studzienia ŭ Charkaŭ
«Što tyčycca Paŭnočnaj Karei, to dniami my atrymali pieršyja dokazy vykarystańnia armijaj RF rakiet, vyrablenych u hetaj krainie. Vyniki papiaredniaj navukova-techničnaj ekśpiertyzy paćviardžajuć, što vypuščanaja 2 studzienia pa centralnaj častcy Charkava rakieta źjaŭlajecca rakietaj małoj dalokaści, jakaja raspracavana Paŭnočnaj Karejaj», — skazaŭ hienieralny prakuror Ukrainy Andrej Kościn.
Kościn dadaŭ, što da takich samych vysnoŭ pryjšli taksama vajskovyja ekśpierty ź mižviedamasnaj pracoŭnaj hrupie pry ofisie hienprakurora.
Ekśpierty taksama byli na miescy abstrełu i rabili papiaredni ahlad i analiz častak rakiety. Ciapier praciahvajecca kompleksnaja kamisijnaja ekśpiertyza, jakaja pavinna kančatkova paćvierdzić hety fakt.
«My taksama pracujem nad vyjaŭleńniem inšych frahmientaŭ bojeprypasaŭ, vyjaŭlenych na miescach niadaŭnich napadaŭ u Charkaŭskaj i Adeskaj abłaściach», — skazaŭ Andrej Kościn.
Čytajcie taksama:
U KNDR zajavili, što ich vojska ŭžo «źniało zaścierahalnik»
Rakieta, jakoj RF udaryła pa Charkavie, mahła być z KNDR
Rasija, mahčyma, užo kuplaje balistyčnyja rakiety ŭ Paŭnočnaj Karei