Pastaŭka Ukrainie samalotaŭ F-16 z Danii zatrymlivajecca na paŭhoda
Dackaje vydańnie Berlingske sa spasyłkaj na Ministerstva abarony krainy paviedamlaje, što pastaŭka Danijaj źniščalnikaŭ F-16 Ukrainie adkładajecca na paŭhoda.
Samalot F-16. Fota: Wikimedia Commons
Kapienhahien pavinien byŭ pastavić pieršyja šeść samalotaŭ da novaha 2024 hoda, ale zamiest hetaha ich dastaŭka čakajecca ŭ druhim kvartale, paviedamili vydańniu ŭ viedamstvie.
U publikacyi havorycca, što hrafik pastavak zaŭsiody zaležaŭ ad vykanańnia šerahu ŭmoŭ, siarod jakich — paśpiachovaja padrychtoŭka ŭkrainskich piłotaŭ, a taksama najaŭnaść dastatkovaj łahistyki i infrastruktury dla absłuhoŭvańnia F-16 va Ukrainie. Pra heta zajavili ŭ ministerstvie, nie padaŭšy bolš detalovaj infarmacyi.
Pavodle źviestak Berlingske, ciapier šeść ukrainskich piłotaŭ prachodziać padrychtoŭku na hetych źniščalnikach u Danii. U žniŭni premjer Danii Miete Frederyksen paabiacała adpravić Kijevu 19 samalotaŭ F-16.
Čytajcie taksama:
Ukraina moža atrymać doŭhačakanyja źniščalniki F-16 užo pry kancy hetaha hoda