Adzin ź minskich parkaŭ płanujuć padśviatlać soniečnymi batarejami
A pakul tam ustanavili śvietłavyja fihury, jakija nadajuć peŭny šarm. Nieŭzabavie jany buduć uklučany, i acanić navinku zmohuć usie achvotnyja.
Sievastopalski park. Fota: topgid.net
Mahčymaść vykarystańnia novych technałohij dla aśviatleńnia Sievastopalskaha parku, naprykład, ustanoŭku soniečnych batarej, razhledziać u Pieršamajskim rajonie stalicy, raskazaŭ u prahramie «Havoryć i pakazvaje Minsk» kiraŭnik administracyi rajona Vadzim Pieradnia.
— Mantaž aśviatlalnych sietak i abstalavańnia praduhledžvaje technałahičnyja raboty ŭ ziamli, — rastłumačyŭ jon. — U hetym vypadku my nie zmožam abyści ŭsie pasadki: spatrebicca vydaleńnie dreŭ. Ci padtrymajuć takija pracy žychary? Nie ŭpeŭnieny.
Tamu ŭ pierśpiektyvie budziem razhladać mahčymaść vykarystańnia novych technałohij, naprykład, ustanoŭku soniečnych batarej. Pastarajemsia znajści aptymalny varyjant, jaki budzie zadavalniać ludziej.
Čynoŭnik dadaŭ, što siońnia ž u abnoŭlenaj častcy skviera ŭstanoŭleny śvietłavyja fihury, jakija nadajuć peŭny šarm miescu. Chutka jany buduć uklučany, i acanić navinku zmohuć usie achvotnyja.