Daradca-pasłańnik Špakoŭski zajaviŭ pra zacikaŭlenaść Biełarusi partami Kryma
Biełaruś zacikaŭlena ŭ raźvićci supracoŭnictva z Krymam u śfierach pramysłovaści, łahistyki, a taksama turyzmu. Pra heta zajaviŭ TASS daradca-pasłańnik pasolstva Biełarusi ŭ RF Alaksandr Špakoŭski padčas Jałcinskaha mižnarodnaha forumu, što prachodzić u Maskvie.
Alaksandr Špakoŭski (treci sprava) i biełaruskija studenty — udzielniki Jałcinskaha forumu. Fota: Pasolstva Biełarusi
«[Nas cikavić] stvareńnie sumiesnych vytvorčaściaŭ i łahistyka, kurortny patencyjał Kryma. <…> Biełarusy nikoli nie zabyvali pra kurorty Kryma. Navat ciapier, niahledziačy na napružanuju vajennuju abstanoŭku ŭ rajonie paŭvostrava, usio roŭna ludzi naviedvajuć Krym, ludzi kuplajuć nieruchomaść u Krymie», — skazaŭ jon.
Špakoŭski adznačyŭ, što Minsk razhladaje Krym jak «pierśpiektyŭny rehijon dla ŭzajemadziejańnia».
U svaim dakładzie ŭ ramkach moładzievaj siesii «budučynia ŭ našych rukach» dypłamat ukazaŭ, što Biełaruś «istotna intensifikavała» kantakty z paŭvostravam. «My viartajemsia da paŭnavartasnaha supracoŭnictva», — ukazaŭ jon.
«Z Krymam my budziem pracavać hetak ža jak i ź inšymi rehijonami Rasii», — padkreśliŭ Špakoŭski, dadaŭšy, što z rasijskimi rehijonami padtrymlivajucca vielmi ciesnyja kantakty, a pasoł Biełarusi Dźmitryj Kruty z pačatku 2023 hoda sustrakaŭsia z kiraŭnikami rehijonaŭ RF blizu 60 razoŭ.
Čytajcie taksama:
Navaśpiečany biełaruski pasłańnik Špakoŭski pravioŭ pieršuju sustreču
Špakoŭski zamianiŭ Paŭła Lohkaha. Tamu dastałasia pasada druhoha płana