Čyžoŭski «Załaty hrabieńčyk» znoŭ nie pradali, choć davali źnižku
Paŭtornyja tarhi, na jakich płanavałasia pradać kaviarniu «Załaty hrabieńčyk», jakaja naležyć kampanii «Trajpł», taksama nie adbylisia. Za jaho prasili kala 1,98 młn dalaraŭ, u paraŭnańni ź minułym razam pradavali z 10% źnižkaj, piša Office Life.
Fota: bangkokbook.ru
Startavaja cana niekali papularnaj ustanovy była vyznačanaja ŭ pamiery 7 241 230,85 rubla, a minimalnaja cana prodažu składała 6 436 649,64 rubla. Adnak pakupnika nie znajšłosia, niahledziačy na toje što ŭ valutnym ekvivalencie cana źniziłasia navat bolš čym na 10%.
Ciapier kaviarniu buduć rychtavać da novych tarhoŭ, dzie jaje košt, chutčej za ŭsio, źnizicca jašče bolš. «Załaty hrabieńčyk» raźmieščany ŭ samym centry Minska, pa adrasie: vuł. Lenina, 3.
Papiaredni aŭkcyjon pavinien byŭ adbycca 4 žniŭnia. Tady za kaviarniu prasili 6,7 młn rubloŭ. Prodaž majomaści pravodzicca pa spravie ab bankructvie TAA «Trajpł».
Čytajcie taksama:
Sielhaskompleks Juryja Čyža na Łahojščynie pierajšoŭ u inšyja ruki
Juryj Čyž sudzicca z małodšym synam za farmzavod
U Minsku vystavili na prodaž jašče adnu zapraŭku «Trajpła»
Juryj Čyž viarnuŭ pad svajo kiravańnie hałoŭny aktyŭ siamji ŭ Rasii