Narviehija taksama buduje aharodžu na miažy z Rasijaj. Ale pryčyna tut nie mihranty i nie vahnieraŭcy

Na poŭnačy Narviehii miascovyja ŭłady adnaŭlajuć śpiecyjalnuju aharodžu ŭzdoŭž miažy, pastaŭlenuju 70 hadoŭ tamu. Pryčyna — paŭnočnyja aleni, jakija chodziać paśvicca ŭ Rasiju, a taja patrabuje za heta vialikuju kampiensacyju. 

Zdymak ilustracyjny. Fota: Antok Sena / vecteezy.com

Pavodle narviežskich uładaŭ, u 2023 hodzie 42 aleni pierasiekli miažu i paśvilisia ŭ zapaviedniku «Paśvik» u rasijskaj Murmanskaj vobłaści. Rasija zapatrabavała za heta kampiensacyju: pa 4700 dalaraŭ za kožnaha alenia, jaki pierajšoŭ miažu, i adnarazovuju vypłatu ŭ 4,4 miljona dalaraŭ za ŭsie dni ich vypasu ŭ zapaviedniku, paviedamlaje Associated Press.

Kab praduchilić pierachod aleniaŭ na terytoryju Rasii ŭ budučyni, Narviehija stała adnaŭlać zaharodu ŭzdoŭž miažy, jakuju pastavili ŭ 1954 hodzie. Budaŭnictva płota praciahłaściu siem kiłamietraŭ i koštam 348 tysiač dalaraŭ zavieršycca ŭ kastryčniku. 

Z tych ža aleniaŭ, jakija nanieśli straty rasijskamu jahielu, 40 užo viarnulisia dadomu, skazali ŭ Narviežskim sielskahaspadarčym ahienctvie. Viartańnia astatnich dvuch čakajuć u chutkim časie.

Čytajcie taksama:

Ahledzieli bolš za sto chat, ale znajšli-taki svaju. Siamja minčukoŭ źjechała ŭ viosku, kab radavacca žyćciu i karmić aleniaŭ

U Biełarusi značna pavialičyłasia kolkaść vypadkaŭ hibieli kapytnych u DTZ, za adny sutki — 33 žyvioliny

U Jakucii paŭnočnyja aleni spynili pasažyrski ciahnik VIDEA

U Śvisłackim rajonie mužčyna zrezaŭ rohi ź miortvaha alenia. Na jaho zaviali kryminałku

Kamientary da artykuła