Abituryjenty zmohuć dystancyjna padavać dakumienty adrazu ŭ niekalki VNU
Minadukacyi raspracoŭvaje adziny infarmacyjny partał dla abituryjentaŭ. Praz płatformu možna budzie dystancyjna padać dakumienty ŭ adzin abo adrazu niekalki VNU. Pra heta Tochka.by raspavioŭ ministr adukacyi Andrej Ivaniec.
Fota: Tochka.by
Važny niuans: abituryjent zmoža padavać dakumienty ŭ roznyja VNU tolki ŭ miežach adnoj hrupy śpiecyjalnaściaŭ.
Padčas ciapierašniaj ustupnaj kampanii taki ekśpierymient užo praviali z Akademijaj MUS i Mahiloŭskim instytutam MUS — tudy byŭ adziny konkurs. Pry padačy dakumientaŭ abituryjenty ŭ paradku pryjarytetnaści pakazvali, u jakoj z VNU i na jakuju śpiecyjalnaść jany chočuć pastupić.
Biez vočnaj padačy aryhinała dakumientaŭ pakul nie abyścisia, ale prachodzić jana budzie paźniej.
Pa słovach ministra, treba pravieryć ich sapraŭdnaść i zabiaśpiečyć abaronu piersanalnych danych. Novaŭviadzieńnie pazbavić abituryjentaŭ i ich baćkoŭ ad pajezdak pa roznych haradach i biehatni pamiž VNU.
Čytajcie taksama:
Łukašenka skazaŭ, što sioleta treba dašlifavać sistemu adukacyi
U Biełarusi niama płatnaj adukacyi, heta forma sacyjalnaj padtrymki moładzi — ministr adukacyi