U Minsk pryjechała delehacyja ŭrada «DNR»
«Najbližejšymi dniami budziem pracavać u Respublicy Biełaruś», — napisaŭ u svaim telehramie kiraŭnik «urada» h. zv. «DNR» Jaŭhien Soncaŭ.
Fota: telehram Jaŭhiena Soncava
«Prahrama šyrokaja. Naviedajem šerah vytvorčaściaŭ, paznajomimsia ź biełaruskaj pradukcyjaj, abmiarkujem z kalehami pierśpiektyvy supracoŭnictva. Padrabiaznaści — u chodzie spravy», — napisaŭ jon, dadaŭšy fotazdymak.
U krasaviku ŭ Minsk pryjazdžaŭ kiraŭnik «DNR» Dzianis Pušylin, jaki sustrakaŭsia z Łukašenkam. Paśla hetaha Kijeŭ adklikaŭ pasła Ukrainy. A ŭ červieni ŭ Pieciarburhu pasoł Biełarusi ŭ Rasii Dźmitryj Kruty i Dzianis Pušylin damovilisia ab supracoŭnictvie.
Čytajcie taksama:
Biełaruski pasoł u Rasii damoviŭsia z kiraŭnikom «DNR» ab supracoŭnictvie ŭ čatyroch śfierach. Ale supracoŭnictva ŭžo idzie poŭnym chodam