Pierad matčam Azaranka i Śvitolinaj paciskańnia ruk nie budzie
«Ja zadavolenaja hetym», — skazała ŭkrainskaja tenisistka.
Viktoryja Azaranka i Elina Śvitolina na Uimbłdanie. Fota: Alberto Pezzali / AP
Pierad matčam pieršaha kruha tenisnaha turniru ŭ Vašynhtonie pamiž biełaruskaj Viktoryjaj Azaranka i ŭkrainkaj Elinaj Śvitolinaj budzie abvieščana, što spartsmienki nie buduć cisnuć ruki, piša RIA «Novosti».
Raniej Śvitolina paśla pieramohi nad Azaranka na Uimbłdanie zaklikała tenisnyja asacyjacyi vystupić z zajavaj ab tym, što ŭkrainskija hulcy nie buduć cisnuć ruki rasijanam i biełarusam. U Žanočaj tenisnaj asacyjacyi (WTA) zajavili, što z pavahaj staviacca da rašeńnia ŭkrainskich spartsmienak.
Pavodle źviestak žurnalista Bena Ratenbierha, na pres-kanfierencyi Śvitolina zajaviła, što razmaŭlała z hienieralnym dyrektaram WTA Styvam Sajmanam, jaki zapeŭniŭ jaje, što pierad matčam z Azaranka budzie abvieščana, što paciskańnia ruk nie budzie. «Ja zadavolenaja hetym», — skazała ŭkrainskaja tenisistka.
Taksama Elina Śvitolina admaŭlałasia pacisnuć ruku biełaruscy Alaksandry Sasnovič na turniry ŭ Madrydzie ŭ kancy krasavika.
Čytajcie taksama:
Sabalenka: Ja nie źbirajusia bolš havaryć pra palityku
Ścipły hienij ź ispanskaj vioski. Chto taki Karłas Alkaras — małady pieramožca Uimbłdana