Dziaŭčynu, jakaja pieraličyła hrošy pałku Kalinoŭskaha, asudzili na try hady kałonii
U Homielskim abłasnym sudzie 14 červienia vyniesieny prysud byłoj mieniedžarcy kampanii pa raspracoŭcy prahramnaha zabieśpiačeńnia Nastaśsi Pietračency. Jaje abvinavacili ŭ «finansavańni ekstremisckaj dziejnaści» pavodle č. 1 art. 361-2 Kryminalnaha kodeksa. Spravu razhladaŭ sudździa Rusłan Caruk.
Nastaśsia Pietračenka była zatrymanaja supracoŭnikami milicyi 21 kastryčnika minułaha hoda. Z taho času jana ŭtrymlivałasia ŭ homielskim SIZA № 3, piša «Viasna».
Pryčynaj pieraśledu stała toje, što Nastaśsia pieraličyła hrošy pałku Kalinoŭskaha (finansavańnie ekstremisckaj dziejnaści).
Sud pryznaŭ jaje vinavataj i pakaraŭ tryma hadami kałonii.
Čytajcie taksama:
Śpiavačku, jakaja adrakłasia łukašenkaŭskaj stypiendyi, źmiaścili ŭ SIZA