U francuzskim horadzie masava źjavilisia płakaty z «Makronam-Hitleram» FOTA
U Avińjonie, što na poŭdni Francyi, źjavilisia dziasiatki płakataŭ, dzie prezident Emanuel Makron namalavany z charakternymi vusami nacysckaha dyktatara Adolfa Hitlera. Pra heta paviedamlaje BFMTV.
Fota z tvitara BFMTV
Pravakacyjnyja płakaty masava źjavilisia ŭ noč ź sierady na čaćvier na vulicach horada Avińjon, što ŭ pravincyi Błakitny bierah.
Prynamsi častku raźmiaścili na rekłamnych stendach, padobna, biez zhody kampanii-ŭładalnika.
Nieviadomyja skapijavali dla płakataŭ malunak pratesnaha hrafista Lekta, jaki ŭpieršyniu źjaviŭsia jak murał na bietonnaj ścianie, taksama ŭ Avińjonie. Na im aŭtar damalavaŭ Makronu vusy, jakija nadajuć jamu padabienstva z Hitleram, vykarystaŭšy dla hetaha ličby 49.3 — pa numary kanstytucyjnaj papraŭki, jakuju zadziejničali Makron i jaho ŭrad dla adabreńnia niepapularnaj piensijnaj reformy biez hałasavańnia ŭ parłamiencie.
Partret apraŭleny nadpisam «Nie, dziakuj», a pad im raźmieščany nadpis bolš drobnym šryftam: «Hramadzianskaje niepadparadkavańnie stanovicca śviatym abaviazkam, kali dziaržava nie maje racyi abo karumpavanaja». Druhoha nadpisu na aryhinalnaj frescy nie było.
Čytajcie taksama:
Makron usio ž padpisaŭ niepapularny zakon ab piensijnaj reformie. Francyja pratestuje
Svajaka Bryžyt Makron źbili paśla pramovy prezidenta Francyi