Pientahon: ZŠA chutka pačnuć navučać USU kiravać «Abramsami»
Navučańnie ŭkrainskich vajskoŭcaŭ kiravańniu amierykanskimi tankami «Abrams» pačniecca najbližejšym časam, zajaviŭ pradstaŭnik Pientahona.
Tank «Abrams». Fota: Suprotyv.com
«My ŭsio jašče pracujem nad zakupkaj abstalavańnia, tamu jašče nie pačali navučańnie, ale ja čakaju, što heta adbudziecca adnosna chutka», — skazała krynica ŭ Minabarony ZŠA.
U Vašynhtonie adrazu papiaredzili, što adpraŭka «Abramsaŭ» Kijevu moža zaniać praciahły čas.
Usiaho ZŠA adpraviać Ukrainie 31 tank, što raŭnaznačna tankavamu bataljonu ŭ kłasifikacyi ŭkrainskaj armii.
Rašeńnie było pryniata ŭ studzieni i stała rezkim razvarotam u pazicyi Vašynhtona, jaki raniej zajaŭlaŭ, što tanki «Abrams» zanadta składanyja ŭ ekspłuatacyi i patrabujuć vialikich vydatkaŭ u absłuhoŭvańni.
Z pačatku vajny va Ukrainie amierykanskija vajskoŭcy navučyli ŭ ahulnaj kolkaści bolš za siem tysiač bajcoŭ USU abychodžańniu ź inšymi vidami ŭzbrajeńniaŭ.
Čytajcie taksama:
Ekśpiert vykazaŭ mierkavańnie, dla čaho Rasija raskansiervuje tanki T-55
Ekśpiert raskazaŭ, jak zachodnija tanki źmieniać chod vajny va Ukrainie