Voś jak dabicca, kab adzieńnie paśla pralnaj mašyny sochła chutčej
Jak sušyć adzieńnie zimoj, kali jaho nie paviesić na vulicy, a na bałkonach i łodžyjach pavyšanaja vilhotnaść? Raskažam vam pra adzin łajfchak, jaki zrobić hetuju spravu lahčejšaj.
Fota: pixabay.com
Sušyć adzieńnie paśla pralnaj mašyny, kali na dvare zima, moža być ciažka i stomna. Ale kali zapomnić niekalki praviłaŭ, vy zdolejecie paskoryć hety praces, abiacaje gazeta.pl.
Voś hetyja praviły.
- Uklučajcie pralnuju mašynu na jak maha bolš intensiŭny režym, heta paskoryć praces suški. Ale budźcie aściarožnyja: nie pierastarajciesia i ŭ pieršuju čarhu praviarajcie rekamiendacyi na etykietkach adzieńnia.
- Nie pierahružajcie pralnuju mašynu. Kali pakłaści tudy zanadta šmat adzieńnia, jano nie budzie narmalna adciskacca.
Hetyja dva praviły vielmi dapamohuć vam u pracesie suški, ale možna skarystacca jašče adnym chitrym pryjomam. Dla jaho vam spatrebicca tolki ručnik.
Paśla prańnia prosta adkryjcie mašynu i pakładzicie ŭ baraban vialiki suchi ručnik, pažadana machrovy, bo jon dobra ŭbiraje vadu. Potym zapuścicie ŭ mašynie prahramu adciskańnia na aptymalnym režymie. Ručnik ubiare ŭ siabie lišniuju vadu, i adzieńnie vysachnie za imhnieńnie. Kali adciskańnie skončycca, vam treba budzie tolki vyciahnuć adzieńnie z mašyny i dobra strasianuć jaho.
Jašče adzin sposab paskoryć sušku — paviesić adzieńnie la radyjatara, tym bolš što heta dapamoža i padtrymać naležny ŭzrovień vilhotnaści. Ale budźcie aściarožnyja, kab vaša adzieńnie nie dakranałasia da samoha radyjatara, bo jano moža defarmavacca.