U Čechii zatrymali biełarusa, jaki pratestavaŭ u kramie IKEA
Biełaruski aktyvist Piatro Markiełaŭ pravioŭ pratesny fłešmob u kramie IKEA ŭ Čechii, paviedamlaje Radyjo Svaboda. Jon abharadziŭ meblu stužkaj, jakuju vykarystoŭvajuć dla darožnych rabot, raśsiok dźvie tumbački siakieraj, abliŭ ich farbaj i na anhlijskaj movie abviaściŭ, što takim čynam pratestuje suprać «supracoŭnictva IKEA z uładami Biełarusi».
Piatro Markiełaŭ
Biełaruski student, jaki zdymaŭ akcyju, raskazaŭ, što Markiełaŭ abraŭ dla praviadzieńnia akcyi momant, kali ŭ zale nie było dziaciej, a paśla «spakojna čakaŭ pryjezdu palicyi».
Fota zatrymańnia Markiełava, zroblenaje češskaj palicyjaj
Učora žurnalisty niamieckaj haziety Taz i francuzskaha vydańnia Disclose apublikavali materyjał, u jakim śćviardžajecca, što šviedskaja IKEA pry pracy ź biełaruskimi pastaŭščykami vykarystoŭvała pracu źniavolenych.
U samoj kampanii na heta adkazali, što ŭ ich biznesie «niama miesca parušeńniam pravoŭ čałavieka». Pa słovach pres-sakratara, u 2021 hodzie IKEA pryniała rašeńnie spynić raźvićcio ŭ Biełarusi z-za prablem z pravami čałavieka i niepradkazalnaj situacyjaj.