Znoŭ dziŭnaja śmierć top-mieniedžara ŭ Maskvie. Hetym razam z «Rasijskich čyhunak»
U Maskvie pamior adzin z kiraŭnikoŭ daččynaj kampanii «Rasijskich čyhunak» — TAA «Ličbavaja łahistyka» Pavieł Pčelnikaŭ. Jaho śmierć paćvierdziła sama kampanija.
Pavieł Pčelnikaŭ
Cieła 52-hadovaha mužčyny było znojdziena ŭ 6.30 ranicy na bałkonie jaho kvatery na Kałomienskaj nabiarežnaj. Pa charaktary paškodžańniaŭ śledstva vykazała zdahadku, što jon skončyŭ žyćcio samahubstvam. Viadziecca rasśledavańnie.
TAA «Ličbavaja łahistyka» zajmałasia hruzapieravozkami, Pčelnikaŭ byŭ u kampanii dyrektaram pa kamunikacyjach.
Ciaham hetaha hoda ŭ Maskvie i za jaje miežami adbyŭsia ceły šerah dziŭnych śmierciaŭ rasijskich biznesmienaŭ i kiraŭnikoŭ bujnych biznesaŭ, źviazanych ź dziaržavaj. Adzin z apošnich takich vypadkaŭ — hibiel 10 vieraśnia dyrektara pa avijacyjnaj halinie Karparacyi raźvićcia Dalokaha Uschodu i Arktyki Ivana Piačoryna. Jon upaŭ za bort katara padčas prahułki.