«Pa-kupałaŭsku» zahinuŭ były rektar Maskoŭskaha avijacyjnaha instytuta
Pavodle paviedamleńniaŭ rasijskich ŚMI, śmierć byłoha rektara MAI Anatola Hieraščanki była «kupałaŭskaj». Hieraščanka nibyta ŭpaŭ ź vialikaj vyšyni ŭ budynku svajoj VNU, «pralacieŭšy niekalki leśvičnych pralotaŭ».
«Ciapier idzie farmavańnie kamisii pa rasśledavańni hetaha fakta, kudy ŭvojduć pradstaŭniki Ministerstva adukacyi i navuki Rasii, Dziaržaŭnaj pracoŭnaj inśpiekcyi i Maskoŭskaha avijacyjnaha instytuta», — skazali ŭ pres-słužbie instytuta.
Heta ŭžo nie pieršaja zahadkavaja śmierć rasijskaha top-mieniedžara za apošnija paŭhoda. Apošni z takich vypadkaŭ — śmierć 10 vieraśnia kiraŭničaha dyrektara pa avijacyjnaj halinie Karparacyi raźvićcia Dalokaha Uschodu i Arktyki Ivana Piačoryna. Jon upaŭ za bort katara padčas prahułki.