MUS Ukrainy: Zarana kazać, što rasijanie źmienšyli intensiŭnaść bajavych dziejańniaŭ na Kijeŭskim i Čarnihaŭskim napramkach
Daradca ministra ŭnutranych spraŭ Ukrainy Vadzim Dzienisienka, zajaviŭ, što nočču byli zafiksavanyja abstreły na Danbasie, u Čarnihavie i Chmielnickaj vobłaści. Asobna jon adznačyŭ Čarnihaŭ i Maryupal — tam nadzvyčaj składanaja situacyja.
Amal usiu noč vialisia bajavyja dziejańni ŭ Kijeŭskaj vobłaści niepadalok ad Irpienia.
«Tamu pakul kazać pra toje, što rasijanie źmianšajuć intensiŭnaść bajavych dziejannaŭ na Kijeŭskim i Čarnihaŭskim napramkach, nie davodzicca», — skazaŭ Dzienisienka.
Nahadajem, što ŭčora, pa vynikach pieramovaŭ u Turcyi, Rasija publična zajaviła, što «vyrašyła kardynalna skaracić bajavyja dziejańni na kijeŭskim i čarnihaŭskim napramkach».