МУС Украіны: Зарана казаць, што расіяне зменшылі інтэнсіўнасць баявых дзеянняў на Кіеўскім і Чарнігаўскім напрамках
Дарадца міністра ўнутраных спраў Украіны Вадзім Дзенісенка, заявіў, што ноччу былі зафіксаваныя абстрэлы на Данбасе, у Чарнігаве і Хмельніцкай вобласці. Асобна ён адзначыў Чарнігаў і Марыупаль — там надзвычай складаная сітуацыя.
Амаль усю ноч вяліся баявыя дзеянні ў Кіеўскай вобласці непадалёк ад Ірпеня.
«Таму пакуль казаць пра тое, што расіяне змяншаюць інтэнсіўнасць баявых дзеяннаў на Кіеўскім і Чарнігаўскім напрамках, не даводзіцца», — сказаў Дзенісенка.
Нагадаем, што ўчора, па выніках перамоваў у Турцыі, Расія публічна заявіла, што «вырашыла кардынальна скараціць баявыя дзеянні на кіеўскім і чарнігаўскім напрамках».