Biełaruskija ŭłady adchilili ad mižnarodnych spabornictvaŭ dźviuch łyžnic. Spartsmienki kažuć: za pazicyju
Ułady Biełarusi adchilili dźviuch łyžnic ad mižnarodnych spabornictvaŭ za ich palityčnuju pazicyju. Pra heta zajavili sami spartsmienki Śviatłana Andryjuk i Darja Dalidovič. Jany raspaviali, što ŭ minułym miesiacy Biełaruski łyžny sajuz deaktyvavaŭ ich indyvidualnyja identyfikacyjnyja numary, nieabchodnyja dla ŭdziełu ŭ spabornictvach.
Pa słovach łyžnic, heta zroblena pa ŭkazańni kiraŭnika Biełaruskaj fiederacyi łyžnych honak Alaksandra Darachoviča. Jon zahadaŭ čynoŭnikam zabaranić im udzieł u mižnarodnych spabornictvach i zborach krainy, piša Deutsche Welle.
U Fiederacyi i Biełaruskim łyžnym sajuzie nie adkazali na zapyt žurnalistaŭ ab kamientaryi.
22-hadovaja Andryjuk kaža, što hetaje rašeńnie vymusiła jaje prapuścić kvalifikacyjnyja spabornictvy, jakija mahli dazvolić atrymać miesca na Alimpijskich hulniach u Piekinie. «Jany (spartyŭnyja čynoŭniki) dasłoŭna abvinavacili mianie ŭ tym, što ja prychilnica apazicyi», — skazała Reuters Andryjuk. Ciapier, kaža spartsmienka, jana vymušanaja pakinuć Biełaruś i płanuje źjechać u Polšču.