Za sarvany na «Čyžoŭka-arenie» dziaržaŭny ściah zaŭziataru prysudzili dva miesiacy hramadskich prac
Sud Zavodskaha rajona Minska šostaha vieraśnia razhledzieŭ kryminalnuju spravu ŭ dačynieńni da Michaiła Šarmanava. Jaho vinavacili ŭ źniavazie dziaržaŭnych simvałaŭ (art. 370 KK RB). Spravu razhladała sudździa Alena Kapcevič, pišuć pravaabaroncy.
Dziaržaŭny ściah na «Čyžoŭka-arenie». Fota ilustracyjnaje, pressball.by
Z materyjałaŭ śledstva vynikaje, što 3 krasavika 2021 hoda Šarmanaŭ prysutničaŭ na chakiejnym matčy na «Čyžoŭka-arenie» na matčy pamiž kamandami Homiela i «Junactva Minsk». Tam ža, znachodziačysia nibyta ŭ stanie ałkaholnaha apjanieńnia, sarvaŭ z fłahštoka i skinuŭ dziaržaŭny biełaruski ściah.
Jaho zatrymali i z 5 pa 8 krasavika jon znachodziŭsia ŭ izalatary časovaha ŭtrymańnia.
Svaju vinu Michaił Šarmanaŭ pryznaŭ častkova.
Prakuror zaprasiŭ dla abvinavačanaha Šarmanava štraf u pamiery 300 bazavych vieličyń, heta prykładna try z pałovaj tysiačy dalaraŭ.
Abaronca prapanavała abyścisia hramadskimi pracami.
Sudździa abviaściła prysud: dva miesiacy hramadskich prac.