Isłandyja admianiła ŭsie ŭviedzienyja z-za kavidu abmiežavańni. Tam vakcynavany 87% darosłaha nasielnictva
Ułady Isłandyi z 26 červienia admianili ŭsie abmiežavańni, uviedzienyja ŭ krainie z-za karanavirusa, paviedamlaje meduza sa spasyłkaj na Reuters.
Ministarka achovy zdaroŭja Isłandyi Svandzis Svavarsdocir zajaviła, što admovicca ad abmiežavalnych mier stała mahčyma dziakujučy tamu, što 87% žycharoŭ krainy, starejšyja za 16 hadoŭ, atrymali jak minimum pieršuju dozu vakcyny, a 48% — prajšli poŭny kurs vakcynacyi.
Pa słovach Svavarsdocir, Isłandyja, vierahodna, pieršaja kraina ŭ Jeŭropie, jakaja admianiaje ŭsie antykavidnyja miery.
Da apošniaha času ŭ Isłandyi dziejničali abmiežavańni na masavyja mierapryjemstvy i praviły ab nieabchodnaści zachavańnia dvuchmietrovaj dystancyi.
U Isłandyi žyvuć kala 360 tysiač čałaviek. Z pačatku pandemii ŭ krainie zafiksavana 6637 vypadkaŭ COVID-19, pamierli 30 čałaviek.