Šviecyja lidziruje ŭ Jeŭropie pa ŭzroŭni zachvorvańnia na kavid
Šviecyja vyjšła na pieršaje miesca siarod krain ES pa pakazčyku zachvorvańnia na karanavirusnuju infiekcyju adnosna kolkaści nasielnictva.
Unsplash
Pra heta śviedčać abnoŭlenyja źviestki Jeŭrapiejskaha centra praduchileńnia i kantrolu zachvorvańniaŭ, paviedamlaje korrespondent.net
U toj ža čas ekśpierty adznačajuć, što heta nie śviedčyć pra ŭspyšku zachvorvańnia ŭ krainie.
«Sprava ŭ tym, što ŭ šerahu jeŭrapiejskich krain imkliva palapšajecca situacyja z karanavirusam», — adznačajuć śpiecyjalisty.
Razam z tym u Šviecyi pik viasnovaj chvali epidemii prajšoŭ u siaredzinie krasavika i z tych časoŭ štodzionny pryrost zaražeńniaŭ pastupova spadaje.
Za Šviecyjaj z pakazčykam zachvorvańnia 577.38 na 100 tysiač nasielnictva za apošnija 14 dzion na druhim miescy — Litva (562.83), za jakoj iduć Kipr (521.84), Niderłandy (483.09) i Łatvija (431.31). Dla astatnich jeŭrapiejskich krain pakazčyk zachvorvańnia mienšy za 300.
Samaja lepšaja situacyja — u Finlandyi, Partuhalii, Rumynii, a taksama na Malcie i ŭ Isłandyi, dzie pakazčyki mienšyja za 100 na 100 tysiač nasielnictva.