Nazvanyja camyja papularnyja apieracyjnyja sistemy
Windows zachavała lidarstva na rynku apieracyjnych sistem dla kampjutaraŭ. Pra heta paviedamlaje lenta.ru sa spasyłkaj na GeekWire.
Dola apieracyjnaj sistemy ad Microsoft u 2020 hodzie źniziłasia z 85,4 da 80,5%.
AS ad Apple — macOS — zhubiła druhoje miesca, choć pry hetym jaje dola pavialičyłasia z 6,7 da 7,5%.
Na druhoj pazicyi ź vielizarnym adstavańniem ad Windows znachodzicca Chrome OS ad Google, dola jakoj za poŭny hod vyrasła z 6,4 da 10,8%. Na astatnija apieracyjnyja sistemy prychodzicca ŭsiaho 1,2%.
Analityki zaŭvažyli, što lepšuju dynamiku za spravazdačny pieryjad prademanstravali pradukty ad Google i Apple. Taksama jany nazvali 2020 hod nietypovym dla rynku i sprahnazavali karekcyju rejtynhu ŭ budučyni. Papularnaść Chrome OS śpiecyjalisty abhruntavali pierachodam aktyŭnaj častki nasielnictva — pradstaŭnikoŭ siaredniaha kłasa, studentaŭ i školnikaŭ — na dystancyjnuju pracu abo navučańnie.
U suviazi z hetym Chrome OS, jakaja bazujecca na niedarahich noŭtbukach Chromebook, stała vielmi zapatrabavanaj.