Sud nad žurnalistkami Kaciarynaj Andrejevaj i Darjaj Čulcovaj pačniecca 9 lutaha
Sud pa spravie Kaciaryny Andrejevaj i Darji Čulcovaj pačniecca ŭ aŭtorak, 9 lutaha, a 10-j hadzinie. Spravu ŭ sudzie Frunzienskaha rajona budzie razhladać sudździa Natalla Buhuk.
Pra heta paviedamiŭ muž Kaciaryny Andrejevaj Ihar Iljaš.
Žurnalistak «Biełsata» zatrymali 15 listapada za strym z akcyi pamiaci Ramana Bandarenki na płoščy Pieramien.
Žurnalistkam vystavili abvinavačańnie pavodle č. 1 art. 342 Kryminalnaha kodeksa. Ich vinavaciać u aktyŭnym udziele i navat kiravańni «hrupavymi dziejańniami, što hruba parušajuć hramadski paradak», jakija paciahnuli za saboj parušeńnie pracy hramadskaha transpartu.