Biełaruski «kankurent Tinder» staŭ praduktam dnia na Product Hunt
Prahrama dla znajomstvaŭ Zodier stała praduktam dnia na Product Hunt. Jaje raspracoŭvaje biełaruskaja kampanija Noirix, adznačaje Dev.by.
Zodier heta prahrama dla znajomstvaŭ, jakaja pracuje pa pryncypie Tinder: vy bačycie fota i možacie pastavić «łajk» abo «dyzłajk». Ludzi, jakija pastavili adno adnamu «łajki», mohuć pačać mieć znosiny.
Roźnica z Tinder u tym, što asnoŭnyja płatformy dla Zodier — heta miesiendžary: Telegram, Vkontakte, Viber i inšyja. Ałharytmy čat-botaŭ Zodier u roznych miesiendžarach dazvalajuć vyznačać sumiaščalnaść pamiž ludźmi i znachodzić prydatnyja pary.
Sa słoŭ CEO Noirix Maćvieja Hramoviča, aŭdytoryja Zodier va ŭsich miesiendžarach — 360 tysiač čałaviek, i jana raście prykładna ŭdvaja kožny miesiac. Bolšaja častka karystalnikaŭ prypadaje na Telegram.