Łukašenka — milicyi: U Minsku nie pavinna być bolš nijakich biesparadkaŭ
Takoje daručeńnie jon daŭ siońnia MUS na pasiadžeńni Rady biaśpieki, piša BiełTA.
«U Minsku nie pavinna być bolš nijakich biesparadkaŭ. Ludzi stamilisia, ludzi patrabujuć miru i cišyni», — padkreśliŭ Łukašenka.
Jon adznačyŭ, što, z adnaho boku, i dobra, što biełarusy adčuli, što jany mohuć stracić. «Ale, słuchajcie, jość mora ludziej, pieravažnaja bolšaść jakich pryvykli žyć u spakojnaj krainie. I my hetuju spakojnuju krainu pavinny im viarnuć», — zajaviŭ jon.
«Kali niechta ŭ ŚMI — ANT, BT, jašče dzieści — chočuć pabastavać, vyjści i potym znoŭ viarnucca, takoha šancu ŭ ich być nie pavinna. Syšli — idzicie. Ale abaranić kalektyvy treba. I heta naša siońnia zadača. Jana aktualnaja», — dadaŭ Łukašenka.
Kamitetu dziaržaŭnaj biaśpieki Alaksandr Łukašenka daručyŭ vyjaŭlać i spyniać dziejańni arhanizataraŭ vuličnych biesparadkaŭ, vykryvać kanały finansavańnia biesparadkaŭ u Biełarusi. «Jak by ni było składana, my pavinny praciahvać hetuju pracu i pracavać pa maksimumu», — padkreśliŭ Łukašenka.