Adzin z dydžejaŭ, što ŭklučyŭ «Pieramien!», znajšoŭsia. Jon u Centry izalacyi pravaparušalnikaŭ
Pra toje, što Kirył Hałanaŭ znachodzicca ŭ Centry izalacyi pravaparušalnikaŭ, karespandentu NN paviedamiŭ jaho brat Mikita.
Kirył źnik paśla akcyi, jaho telefon nie adkazvaŭ. Brat pajšoŭ u milicyju pisać zajavu pra źniknieńnie čałavieka. Pavodle słovaŭ Mikity, u RUUS jamu dali numar CIPa, i kali jon tudy pazvaniŭ, tam paćvierdzili, što Kirył znachodzicca ŭ ich.
Na pytańnie, za što jon zatrymany, u CIPie nie adkazali: «Jany i tak niervavalisia, pa hołasie było čuvać». Paviedamili tolki, što sud nad Kiryłam adbudziecca 7 žniŭnia.
Dzie znachodzicca druhi dydžej Uład Sakałoŭski, pakul dakładna nieviadoma.