28 lipienia Śviatłana Cichanoŭskaja vystupić na BT
28 lipienia, u aŭtorak, a 18-j Śviatłana Cichanoŭskaja ŭ druhi i apošni adviedzieny CVK raz vystupić u efiry «Pieršaha nacyjanalnaha telekanała» Biełaruskaha telebačańnia.
«My bačym, jak kožny dzień teleefir naležyć adnamu kandydatu, a inšym pry hetym vydatkavanaja hadzina na ŭsiu kampaniju.
Naša z vami meta — 28 lipienia ŭ 18:00 sabrać kala teleekranaŭ usio svajo atačeńnie, asabliva starejšaje pakaleńnie!» — piša telehram-kanał «Kraina dla žyćcia».
Pieršy raz Cichanoŭskaja vystupała na BT 21 lipienia. Da taho jana ŭsprymałasia jak techničny kandydat, prosty simvał žadańnia pieramien, a nie palityk. Ale niečakana jaje pieršaja pramova na telebačańni była mocnaja: biez falšu i słabinak.